Täsin ahwalat

Ýurt goragyna giden gerçek söweşde agyr ýaralanýar. Özüne bir zat bolaýsa: “Bir dogan ýanar, birem dogran” diýip mähribanlarynyň ýaka ýyrtyp aglajakdygyny aňlan ýigit ejesine habar ugradýar. Uly sadaka edip, aja nan, ýalaňaja don paýlamagy. Ýöne şol sadaka diňe ölüm görmedik öýden, ajal awusyny datmadyk adam gelmelidigini tekrarlaýar. Ene aýdylyşy ýaly, çar tarapa çapar ýollap sadaka taýýarlyk görýär. Emma, sadaka kabul bolsun diýýänler bar-da, sadaka bararys diýýän ýokmuşyn. Ýüregi bir zatlar syzan ene obanyň danasyny çagyryp, syrly sargydy soraýar. Dana: “Ölüm görmedik öý ýok, ajal awusyny datmadyk adam. Şoň üçin seniň sadakaňa adam gelmez... Ýöne ilogly merdanyň ejesem mert bolmaly. Sen goç guzyňy gözle. Kim bilýär, ol bir ýerlerde Garagumy ýassanyp ýatandyr” diýip aýlawly jogap berýär.