Gahryman Arkadagymyzyň, Arkadagly Gahryman Serdarymyzyň taýsyz aladalary netijesinde «Pähim-paýhas ummany Magtymguly Pyragy» ýylynda doglan gününiň 300 ýyllygy ýokary derejede bellenilýän Gündogaryň beýik akyldar şahyry Magtymguly Pyragynyň mertebesi Arşa göterilýär. Bu şanly sene mynasybetli söz ussadymyza bagyşlanan täze röwüşde sahna eserleridir çeper filmler döredilýär. Şolaryň biri-de Oguzhan adyndaky «Türkmenfilm» birleşiginde surata düşürilen «Istärin» atly çeper filmdir. Biziň söhbetdeşimiz hem bu filmde Magtymguly Pyragynyň ýaşlykdaky keşbini janlandyran Magtymguly adyndaky Türkmen döwlet uniwersitetiniň 5-nji ýyl talyby Mekan Kurdow.