Berkarar döwletiň täze eýýamynyň Galkynyşy döwründe hemmetaraplaýyn beýik ösüşlere beslenýän ýurdumyzyň baş şäheri Aşgabat hormatly Prezidentimiziň taýsyz tagallasy bilen bu günki gün halkara derejeli duşuşyklaryň, sergileriň, ylmy-amaly, işewürlik maslahatlarynyň geçirilýän merkezine öwrüldi. Ýaňy-ýakynda Koreýa Respublikasynyň Prezidentiniň ýurdumyza döwlet saparyny amala aşyrmagy, şeýle hem Diýarymyzda Ylymlar güni mynasybetli guralýan dabaralardyr halkara ylmy maslahatlaryň geçirilmegi munuň aýdyň subutnamasydyr. Biz hem paýtagtymyzyň myhmanlarynyň ýürek buýsançlaryny okyjylarymyza ýetirmegi makul bildik.