Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde gadymyýetden gözbaş alyp gaýdýan milli mirasymyzy gorap saklamak, ony ylmy esasda öwrenmek hem-de dünýä ýaýmak boýunça giň gerimli işler durmuşa geçirilýär. Şu gün Lebap topragynda «Gadymy Amul galasy: geçmişiň syrlarynyň goragçysy» atly halkara ylmy-amaly maslahatyň geçirilmegi hem şu maksatdan ugur alyndy. ÝUNESKO-nyň işleri barada Türkmenistanyň milli toparynyň, ýurdumyzyň Ylymlar akademiýasynyň, welaýat häkimliginiň bilelikde guraýan bu çäresine ýerli we daşary ýurtly alym-arheologlar, mirasy öwrenijiler, bilermenler gatnaşýarlar.