Bahar paslynyň ajaýyp gününde Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi mynasybetli geçirilýän çärelere badalga alnyp, «Nowruz ýaýlasyndaky» «Türkmeniň ak öýi» binasyndan başlanan dabaralar halkara ylmy, syýahatçylyk we metbugat maslahatlary bilen dowam etdi. Paýtagtymyzyň «Ýyldyz» myhmanhanasynda geçirilen «Türkmenistanda syýahatçylygy ösdürmegiň esasy ugurlary we mümkinçilikleri» atly halkara maslahat ýurdumyzda syýahatçylyk pudagyny ösdürmekde, dünýäniň döwletleri bilen syýahatçylyk babatda hyzmatdaşlygy berkitmekde, özara pikir we tejribe alyşmakda, işewür gatnaşyklary ýola goýmakda möhüm ähmiýetli boldy.

Biz ýurdumyzyň syýahatçylygyny ösdürmegiň esasy ugurlaryna we mümkinçiliklerine bagyşlanyp geçirilen halkara foruma gatnaşan gruziýaly myhman Lela Poshweraşwili bilen söhbetdeş bolduk.