Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlygynda Arkadag şäherinde mekdep okuwçylarynyň arasynda matematika dersi boýunça geçirilen halkara olimpiada ýurdumyzda bilim ulgamynyň ösüşiniň häzirki zaman derejesine çykýandygynyň, bu ugurda doganlyk ýurtlar bilen aralykda hyzmatdaşlygyň işjeňleşýändiginiň aýdyň subutnamasydyr. Bu ders bäsleşigi Russiýa Federasiýasyndan, Hytaý halk Respublikasyndan, Eýran Yslam Respublikasyndan, Katar döwletinden, Belarus, Azerbaýjan, Bolgariýa, Özbegistan, Gazagystan, Täjigistan, Türkiýe Respublikalaryndan we ýurdumyzdan zehinli ýaş matematikleriň ençemesini bir ýere jemledi.