Çaga — ömrüň manysy, dowamaty. Hormatly Prezidentimiziň ýaş nesillerimiz baradaky edýän atalyk aladasyny Berkarar döwletiň täze eýýamynyň Galkynyşy döwrüniň her bir pursadynda görmek bolýar. Ynha, bu gün bagtyýar çagalaryň ukyp-başarnyklary, kämil şahsyýetler bolup ýetişmäge bolan yhlaslary paýtagtymyzdaky Söwda-senagat edarasynyň giň zalyna ýygnanan ýaşajyk zehinlerimiziň ýüzlerinden aýdyň duýulýar. Olar — Türkmenistanyň Magtymguly adyndaky Ýaşlar guramasynyň Merkezi geňeşiniň Gulbaba adyndaky Çagalar baýragynyň eýeleridir. Bagtdan paýly, ýüregi şatlykdan doly zehinli körpejelerimiziň ýürek buýsanjyny okyjylarymyza ýetirmegi makul bildik.