5-nji ýanwarda Türkmenistanyň Magtymguly adyndaky milli sazly-drama teatrynda Arkadagly Gahryman Serdarymyzyň «Ýaşlar — Watanyň daýanjy» atly ilkinji kitabynyň tanyşdyrylyş dabarasy geçirildi.
Häzirki döwürde ýurdumyzyň ýaşlary halk hojalygynyň ähli pudaklarynda yhlasly zähmet çekip, belent abraýyň eýesi bolýarlar. Olar halkara derejesinde geçirilýän sport bäsleşiklerinde, ylym-bilim olimpiadalarynda üstünlikli çykyş edip, ýeňiş gazanýarlar hem-de mähriban Watanymyzyň halkara giňişligindäki abraýynyň belende galmagyna mynasyp goşantlaryny goşýarlar.