Welaýat kitaphanasynda Arkadag Serdarly bagtyýar ýaşlar ýylynda hormatly Prezidentimiziň baştutanlygynda ýurdumyzda durmuşa geçirilýän beýik işleri açyp görkezmek maksady bilen, «Watanyň geljegi bagtyýar ýaşlar» ady bilen hünär bäsleşigi geçirildi. Ol ýedi şertden ybarat bolup, öňdebaryjy hünärmenler iş tejribeleri, habar beriş çeşmeleriniň peýdalanylyşynyň ýollary boýunça ukyp-başarnyklaryny ýüze çykardylar.

Gyzykly geçen hünär bäsleşiginde Türkmenbaşy şäheriniň merkezi kitaphanasynyň kitaphanaçysy Gülşat Ataýewa ýeňiji boldy. Bäsleşige gatnaşan kitaphanaçylara Türkmenistanyň Kärdeşler arkalaşyklarynyň welaýat birleşmesiniň sowgatlary gowşuryldy.