«Türkmenistan Sport», № 4, 2021
Abadan hem eşretli durmuşyň gözbaşy mukaddes Garaşsyzlygymyza eýe bolan türkmen halky milli Liderimiziň baştutanlygynda merdana pederlerimiziň, ruhy sütünlerimiziň biri bolan Magtymguly Pyragynyň arzuwlan berkarar döwletinde bagtyýar durmuşda ýaşaýar. Berkarar döwletimiziň bagtyýarlyk döwründe halkyň milli we ruhy mirasyny ylmy esasda öwrenmekde we dünýä ýaýmakda tutumly işler alnyp barylýar. Hormatly Prezidentimiziň taýsyz tagallasy we goldawy netijesinde geçmişiň belli alymlaryna, şahyrlaryna bagyşlanyp halkara ylmy maslahatlar geçirilýär. Olaryň eserleri dürli dillere terjime edilýär. Türkmeniň taryhynda öçmejek yz goýan beýik şahsyýetleriň biri hem Magtymguly Pyragydyr.
