TÜRK­ME­NIS­TAN — EÝ­RAN: ga­dy­my gat­na­şyk­lar hil taý­dan tä­ze de­re­jä çyk­ýar

Hyzmatdaşlyk
29 Awgust 2024
86

Asyr­la­ryň jüm­mü­şin­den göz­baş al­ýan türk­men-eý­ran gat­na­şyk­la­ry hä­zir­ki dö­wür­de tä­ze ma­ny-maz­mun bi­len baý­laş­dy­ryl­ýar. Mu­nuň özi dost­luk­ly döw­let­le­riň öň­den gel­ýän hoş­ni­ýet­li goň­şu­çy­lyk gat­na­şyk­la­ry, hyz­mat­daş­ly­gyň ber­ke­ýän­di­gi bi­len şert­len­di­ri­len­dir. Goň­şy ýurt­lar, şol san­da Eý­ran Ys­lam Res­pub­li­ka­sy bi­len ne­ti­je­li hyz­mat­daş­ly­gy hem­me­ta­rap­la­ýyn pug­ta­lan­dyr­mak Gah­ry­man Ar­ka­da­gy­my­zyň ba­şy­ny baş­lan we hä­zir­ki wagt­da hor­mat­ly Pre­zi­den­ti­miz ta­ra­pyn­dan üs­tün­lik­li dur­mu­şa ge­çi­ril­ýän Türk­me­nis­ta­nyň da­şa­ry sy­ýa­sa­ty­nyň ile­ri tu­tul­ýan ugur­la­ry­nyň bi­ri­dir. 28-nji aw­gust­da Mil­li Li­de­ri­mi­ziň Eý­ran Ys­lam Res­pub­li­ka­sy­na iş sa­pa­ry­nyň çäk­le­rin­de Pre­zi­dent Ma­sud Pe­zeş­kian hem-de Be­ýik ru­hy li­der Aýa­tol­la Se­ýed Ali Ho­seý­ni Ha­me­ne­ýi bi­len ge­çi­ren gep­le­şik­le­ri bu dost­luk­ly gat­na­şyk­la­ry pug­ta­lan­dyr­ma­ga gö­nük­di­ri­len­dir.

Şol gün Gah­ry­man Arkadagymyzyň «Saa­da­bad» top­lu­my­nyň «Jum­hu­ri» köş­gün­de Eý­ran Ys­lam Res­pub­li­ka­sy­nyň Pre­zi­den­ti Ma­sud Pe­zeş­kian bi­len çäk­li dü­züm­de du­şu­şy­gy ge­çi­ril­di. Eý­ra­nyň Baş­tu­ta­ny türk­men hal­ky­nyň Mil­li Li­de­ri Gurbanguly Berdimuhamedowy mä­hir­li mü­bä­rek­läp we Eý­ra­na sa­par bi­len gel­mek ba­ra­da­ky ça­ky­ly­gy ka­bul eden­di­gi üçin ho­şal­lyk bil­di­rip, hä­zir­ki dö­wür­de iş­jeň ös­dü­ril­ýän döw­le­ta­ra gat­na­şyk­la­ryň ýo­ka­ry de­re­je­si­ni ka­na­gat­lan­ma bi­len bel­le­di. Şol gat­na­şyk­lar dost-do­gan­lyk, hoş­ni­ýet­li goň­şu­çy­lyk, bi­rek-bi­re­ge hor­mat goý­mak ýö­rel­ge­le­ri­ne esas­lan­ýar. Hä­zir­ki gep­le­şik­le­riň örän wa­jyp­dy­gy ba­ra­da aý­dyp, onuň iki goň­şy döw­le­tiň gat­na­şyk­la­ryn­da mö­hüm ädim bol­jak­dy­gy­na ynam bil­dir­di.

Beýleki habarlar