24-nji awgustda Türkmenistanyň Döwlet medeniýet merkeziniň Mukamlar köşgünde Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde 18-35 ýaş aralygyndaky dutarçy bagşy-sazandalaryň arasynda her ýylda geçirilýän «Çalsana, bagşy!» atly bäsleşigiň jemleýji tapgyry boldy. Dabaranyň başynda hormatly Prezidentimiziň «Çalsana, bagşy!» bäsleşiginiň jemleýji tapgyryna gatnaşyjylara iberen Gutlagy okaldy.
2022-nji ýyldan bäri geçirilýän bu bäsleşigiň jemleýji tapgyryna ýurdumyzyň welaýatlaryndan şeýle-de Arkadag we Aşgabat şäherlerinden jemi 14 sany dutarçy sazanda, şonça-da bagşy gatnaşdy.
