Welaýat kitaphanasynyň öňündäki meýdançada guralan dabara bagtyýar çagalary tomusky dynç alyş möwsüminiň birinji tapgyrynda «Awaza» milli syýahatçylyk zolagyndaky «Balkan», «Daýanç», «Arzuw», Hazar şäherindäki «Gara altyn», Gyzylarbat etrabyndaky «Dürdäne» çagalar sagaldyş-dynç alyş merkezlerine ugratmaklyga bagyşlandy. Bu ýerde çagalaryň ýerine ýetirmeklerinde ýaňlanan döwrebap aýdym-sazlarda dost-doganlygyň, bagtyýar çagalygyň, gözel Awazanyň waspy öz beýanyny tapdy. Milli lybasdaky çagalar tans toparlarynyň ýerine ýetiren ajaýyp tanslary el çarpyşmalar bilen garşylandy.