«7/24. tm» №23 (210), 03.06.2024
Paýtagtymyzyň gözel künjeginde döredilen dana akyldarymyz Magtymguly Pyragynyň heýkeli we onuň töweregini gurşap alan medeni-seýilgäh zolagy ildeşlerimiziň we paýtagtymyzyň myhmanlarynyň iň bir gelim-gidimli ýerine öwrüler. Çünki bu ýerde döredilen ajaýyplyklar, dag etek ýerleriň arassa, jana şypaly howasy, daş-töweregiňi gurşap alýan täsin tebigy landşaft, bu belent baýyrlyklardan ajaýyp ak şäherimiz Aşgabady synlap, gözellik lezzetini almaga döreýän mümkinçilikler islendik adamy özüne çekip bilýär.