Çagalary goramagyň halkara güni mynasybetli Türkmenistanyň Demokratik partiýasynyň Esenguly etrap komitetiniň beýleki jemgyýetçilik guramalary bilen bilelikde guramagynda etrap merkezindäki «Arkadagyň nesilleri» çagalar dynç alyş merkezinde «Täze eýýamyň bagtyýar çagalary» ady bilen körpeleriň gatnaşmagynda aýdym-sazly dabaraly çäre, bäsleşikler geçirildi. Çagalar merkeziň çägine gezelenç etdiler, bu ýerdäki oýun attraksionlarynda wagtlaryny gyzykly we şadyýan geçirdiler. Ýurdumyzda ýaş nesilleriň bagtyýar durmuşynyň üpjün edilmegi, olaryň saglyklaryny berkitmekleri ugrunda ähli şertleriň döredilýändigi üçin Gahryman Arkadagymyza we Arkadagly Gahryman Serdarymyza hoşallyk sözlerini aýtdylar.
Çärä gatnaşan çagalaryň ählisine sowgatlar gowşuryldy.