Täze taryhy döwrümizde hormatly Prezidentimiziň parasatly baştutanlygynda ýurdumyzyň paýtagtynyň gazananlaryny dünýä ýaýmak babatda ägirt uly işler alnyp barylýar. Şu ýylyň 24-25-nji maýynda Söwda-senagat edarasynda «Ak şäherim Aşgabat» atly XXIII köpugurly halkara serginiň ýaýbaňlandyrylmagy munuň nobatdaky aýdyň beýanyna öwrüldi. Her ýyl geçirilmegi däbe öwrülen bu sergi şähergurluşygy, şäher düzümini kemala getirmek babatda gazanylan üstünlikleri, toplanan tejribäni we mümkinçilikleri açyp görkezmekde uly ähmiýete eýedir.