Sportuň erkin göreş görnüşinden Sarahs etrabynyň sport mekdebiniň birinjiligini almak ugrunda geçen ýaryş uly gyzyklanma eýe boldy. Bu ýaryşda 2011—2015-nji ýyllarda doglan ýetginjekler gatnaşyp, degişli agramlar boýunça güýç synanyşdylar.
Ýaryşda 22 kilogram agram derejesinde Selim Şageldiýew, 24 kilogram agramda Meýlis Bäşimow, 27 kilogram agramda Mergen Batyrow, 30 kilogram agramda Han Arslanow, 33 kilogram agramda Abubekir Dörtgulyýew, 37 kilogram agramda Yslam Babageldiýew, 42 kilogram agramda Arslan Parahadow, 47 kilogram agramda Babahan Gurbanow ýeňiji boldular. Ýeňijilere sport mekdebi tarapyndan hormat hatlary gowşuryldy.
