Ak bugdaý etrabyndaky ýöriteleşdirilen 45-nji orta mekdepde “Ýol hereketiniň ýaş gözegçileri” atly bäsleşigiň Ahal welaýat tapgyry geçirildi. Ahal welaýat Polisiýa müdirliginiň, welaýat Baş bilim müdirliginiň hem-de jemgyýetçilik guramalarynyň bilelikde guramaklarynda geçirilen bäsleşige okuwçy ýaşlardan düzülen toparlar gatnaşdy.
Mekdep okuwçylarynyň arasynda köçe-ýol hereketiniň düzgünlerini wagyz-nesihat etmek, bu boýunça düşünjelerini artdyrmak maksady bilen geçirilen bäsleşik şertleriň birnäçesinden ybarat boldy. Bäsleşige gatnaşan toparlar degişli şertlere laýyklykda nyzamly ýöremek başarnygyny görkezdiler, ýol-ulag hadysalarynda lukmana çenli ilkinji kömegiň ýüze çykan halatynda edilmeli hereketler barada degişli sowallara jogap berdiler, herekete gatnaşyjylaryň borçlary boýunça çykyşlary ýerine ýetirdiler.