Maşgala mukaddesligi ündeldi
Murgap etrabynyň medeniýet merkezinde, etrapdaky 1-nji, 7-nji we 10-njy orta mekdeplerde, TDP-niň, TAP-nyň welaýat komitetleriniň, TKA-nyň welaýat birleşmesiniň, TZB-niň welaýat we Murgap etrap bölümleriniň, TMÝG-niň welaýat geňeşiniň, welaýat saglygy goraýyş müdirliginiň, welaýat baş bilim müdirliginiň, welaýat prokuraturasynyň, welaýat kazyýetiniň hem-de welaýat polisiýa müdirliginiň bilelikde guramagynda geçirilen wagyz-nesihat çäreleri zenanlaryň ahlak terbiýesine bagyşlanyldy. Çärelere syýasy partiýalarda, jemgyýetçilik guramalarynda, şeýle hem etrabyň bilim, medeniýet, saglygy goraýyş ulgamlarynda zähmet çekýän gelin-gyzlar, mährem eneler we okuwçy gyzlar gatnaşdylar.
