Golaýda Aşgabat şäherindäki 57-nji orta mekdepde Türkmenistanyň Bilim ministrliginiň we Aşgabat şäher Baş bilim müdirliginiň guramagynda çagalaryň tomus dynç alyş we sagaldyş möwsüminde arassaçylyk kadalaryny berjaý etmegiň düzgünleri, keselleriň öňüni alyş çäreleri, çaga iýmiti dogrusynda usuly-amaly okuw maslahaty geçirildi. Maslahata paýtagtymyzyň mekdebe çenli çagalar we bilim edaralarynyň işgärleri, şepagat uýalary gatnaşdylar.
Usuly-amaly okuw maslahatynda çykyş edenler, ýurdumyzyň pedagogik we saglygy goraýyş işgärleriniň öňünde durýan bu ugurdaky möhüm wezipeler, olary pugta berjaý etmegiň netijeli usullary dogrusynda gürrüň etdiler. Maslahata gatnaşyjylar ýaş nesli Watanymyzyň güýç-kuwwatyna, abraý-mertebesine, beýik geljegine deňeýän Gahryman Arkadagymyza, Arkadagly Gahryman Serdarymyza köp sagbolsunlaryny aýtdylar.
