Ýa­rym asy­ra go­laý wagt­dan soň il­kin­ji çem­pi­on­ly­gy­ny ga­za­nyp bi­ler

Jemgyýet
17 Maý 2024
279

Rus­si­ýa­nyň çem­pio­na­tyn­da çem­pi­on­lyk ug­run­da soň­ky ýyl­la­ryň iň çe­ke­le­şik­li gö­re­şi do­wam ed­ýär. Çem­pi­on­ly­gyň 2 da­laş­gä­ri­niň utu­lan bu tap­gy­ryn­da Mosk­wa­nyň «Di­na­mo­sy» ýat­dan çyk­ma­jak ýe­ňiş ga­zan­dy. «Ze­nit» öz meý­dan­ça­syn­da SSKA-dan Ça­lo­wyň 58-nji mi­nut­da pe­nal­ti­den ge­çi­ren ýe­ke-täk go­ly esa­syn­da as­gyn gel­di. «Spar­tak» hem öz meý­dan­ça­syn­da şol ha­sap bi­len Zob­ni­niň go­ly esa­syn­da «Kras­no­da­ry» ýeň­li­şe se­ze­war et­di. Li­ga­da gal­mak üçin gö­reş­ýän «Bal­ti­ka» bi­len çem­pi­on­ly­ga ym­tyl­ýan «Di­na­mo­nyň» ara­syn­da du­şu­şyk ta­ry­hy wa­ka­la­ra baý bol­dy. 3-nji mi­nut­da Týu­ka­wi­niň go­ly bi­len öňe ge­çen mosk­wa­ly­lar En­ri­ke­niň 32-nji, Kap­len­ko­nyň 68-nji mi­nut­da­ky gol­la­ry­na alaç ta­pyp bil­me­di. Ýö­ne ruh­dan düş­me­dik «Di­na­mo» ýe­ňiş ga­zan­ma­gyň höt­de­sin­den gel­di. Il­ki 90+3-nji mi­nut­da Fer­nan­des ha­sa­by deň­lese, 90+9-njy mi­nut­da Nga­mal­ýo paý­tagt­ly­la­ra ýe­ňiş ge­ti­ren oýun­çy bol­dy. 3-2 ha­sa­byn­da ga­za­ny­lan bu ýe­ňiş­den soň «Di­na­mo» 53 utuk bi­len 2-nji ýer­dä­ki «Ze­nit­den» 2, 3-nji orun­da­ky «Kras­no­dar­dan» 3 utuk öňe saý­lan­dy. Ýe­ne-de ga­lan 2 tap­gyr­da «Di­na­mo» il­ki «Kryl­ýa­ny» ka­bul et­se, soň­ra «Kras­no­da­ryň» myh­ma­ny bo­lar. «Kras­no­dar» in­di­ki tap­gyr­da myh­man­çy­lyk­da «So­çi» bi­len du­şu­şar. «Ze­nit» bol­sa soň­ky tap­gyr­lar­da yzy­gi­der­li ýe­ňiş ga­zan­ýan «Ah­mat» bi­len myh­man­çy­lyk­da du­şuş­sa, çem­pio­na­ty öz meý­dan­ça­syn­da «Ros­tow» du­şu­şy­gy bi­len ta­mam­lar. 29-njy tap­gyr­da­ky du­şu­şyk­lar­da ýer eýe­le­ri ýe­ňiş ga­zan­sa, Mosk­wa­nyň «Di­na­mo­sy» ýa­ry­m asy­ra go­laý wagtdan soň il­kin­ji çem­pi­on­ly­gy­ny baý­ram eder.

Beýleki habarlar