Hormatly Prezidentimiziň alyp barýan öňdengörüjilikli daşary syýasat ugrunda halkara guramalar bilen hyzmatdaşlyga aýratyn ähmiýet berilýär. Hususan-da, soňky ýyllarda Türkmenistan bilen Ýewropa Bileleşiginiň arasyndaky hyzmatdaşlyk gatnaşyklary täze derejelere çykaryldy hem-de birnäçe ugurlarda gatnaşyklar ýola goýuldy.
Häzirki wagtda bu gatnaşyklaryň ýola goýulmagyna 30 ýyl doldy. Geçen döwürde Türkmenistan bilen Ýewropa Bileleşigi syýasy-diplomatik, söwda-ykdysady we medeni-ynsanperwer ugurlary boýunça, şeýle hem halkara formatlarynda ýagny «Ýewropa Bileleşigi-Merkezi Aziýa» görnüşinde hyzmatdaşlygyny has-da pugtalandyrdy. Ilkinji nobatda, syýasy-diplomatik, söwda-ykdysady we medeni-ynsanperwer ugurlary boýunça Ýewropa Bileleşigi bilen ulgamlaýyn esasda gatnaşyklary ösdürmek maksady bilen, ikitaraplaýyn we köptaraplaýyn formatlardaky netijeli gurallar we olaryň çäklerinde yzygiderli duşuşyklar we maslahatlaşmalar geçirilýär.