Niderlandlaryň hem-de Portugaliýanyň çempionatlarynda möwsümiň tamamlanmagyna 2 tapgyr galanda, çempionlar belli boldy.
Niderlandlaryň çempionaty «Eredivisie»-de çempion belli bolup, Eýndhowen şäheriniň PSW topary wagtyndan öň çempionlygyny yglan etdi. PSW 32-nji tapgyrda öz meýdançasynda Rotterdamyň «Sparta» toparyny 4-2 hasabynda ýeňip, möwsümiň tamamlanmagyna 2 tapgyr galanda, 2-nji ýerdäki «Feýenoord» bilen 9 utuk aratapawudy saklamagy başardy. Şunlukda, PSW topary 6 ýyldan soň çempion bolup, bu olaryň 25-nji çempionlygydyr. Soňky gezek 2018-nji ýylda çempion bolan PSW bu ugurda 36 sapar çempionlyk gazanan «Aýaksdan» soň 2-nji ýerde barýar. Geçen möwsümiň çempiony, 3-nji basgançakdaky «Feýenoordyň» 16 çempionlygy bar.