Şäherden uzakdaky obalaryň birinde höwesjeň suratkeş oglan ýaşapdyr. Ol diýseň owadan suratlary çekipdir, ýöne obadaşlary onuň işine hemişe kembaha garapdyrlar. Onuň ýanyna gelýän bikärler, suratlardan kemçilik gözläp, tankyt etmäge başlaýan ekenler. Günleriň bir güni bularyň bolşundan nägile bolan suratkeş, çeken kartinalaryny öýüniň öňünden asyp goýupdyr. Ol çeken suratlaryna kembaha garaýan tankytçylaryň ählisinden suratlaryň kem ýerlerini düzetmek üçin ýanlary bilen çotkadyr boýag getirmeklerini towakga edipdir. Elbetde, tankytçylaryň biri hem ol ýerde gara bermändir.
Tankyt etmek aňsat, emma düzetmek welin kyn.