Ezberler öňe saýlandylar
Köneürgenç etrabyndaky 2-nji sport mekdepde 2008-2009-njy ýyllarda doglan ýetginjek türgenlerden düzülen toparlaryň arasynda kiçi futbol boýunça ýaryş geçirildi. Türgenleriň ýaryşa ýokary derejede taýýarlykly gelendikleri çekeleşikli häsiýete eýe bolan oýunlaryň dowamynda aýdyň ýüze çykdy. Ýaryşda ýokary hasap bilen etrapdaky 2-nji sport mekdebiniň topary birinji orna mynasyp boldy. Çekeleşikli häsiýete eýe bolan oýnuň netijesine görä, etrapdaky 1-nji sport mekdebiň topary ikinji, 26-njy orta mekdebiň topary üçünji orunlary eýlediler. Ýaryşyň ýeňijileri ony guraýjylar tarapyndan Hormat hatlary we sowgatlar bilen sylaglandylar.
