Futbol
Futbol boýunça milli çempionatymyzyň ýokary ligasynyň oýunlarynyň 2-nji tapgyrynda Balkanabadyň «Nebitçisi» Türkmenbaşy şäherinde «Şagadamyň» garşysyna meýdança çykdy. Ikitaraplaýyn hüjümlere baý bolan duşuşygyň 42-nji minutynda balkanabatlylardan Döwran Berdiýew hasaby açdy. Birinji ýaryma goşulan wagtda, has takygy, 49-njy minutda bu oýunçy ýer eýeleriniň derwezesinden ikinji pökgini geçirmegiňem hötdesinden geldi. 53-nji minutda «Şagadamdan» Hydyrgeldi Atjanow ara tapawudy ýygjamlatsa-da, bu gol balkanabatlylaryň ilkinji üç utugyny gazanmagyna päsgel berip bilmedi.
