«Türkmenistan Sport», № 4 (20), 2023
Pähim-parasada baý ata-babalarymyzyň bize miras galdyran gymmatly ruhy hazynasy bolan nesihatlarynda, berýän durmuş terbiýesinde kimdir birine hemaýat bermek, möhümini bitirmek, goldamak, aladasyny etmek, zerurlyklary bilen üpjün etmek iň sogap işleriň biri hasaplanýar. Şundan çen tutanymyzda, millionlarça adamyň ýaşaýyş derejesini gowulandyrmak, zerur durmuş şertleri bilen üpjün etmek, asuda, bagtyýar durmuşda ýaşatmak, işlemäge, döretmäge, gurmaga ähli mümkinçilikleri durmuşa ornaşdyrmak, tutuş halkyň keşigini çekmek sogaplaryň iň ulusy bolsa gerek. Halkymyzyň geçmiş taryhyna ser salanymyzda beýik işleri bitiren ägirtler kän. Şonuň üçin olaryň ady halk arasynda ebedi ýaşaýar.