Ak bazarlarymyza baranyňda, datlydan tagamly miweleriň, gök-bakja önümleriniň bolçulygyny görüp gözüň dokunýar. Ýurdumyzda bereket-bolçulygyň pugtalanmagynda «Owadan Gämi» hususy kärhanasynyň işçi-hünärmenleriniň hem mynasyp paýy bar.
Hususy kärhananyň Ahal welaýatynyň Ak bugdaý etrabynyň Gämi geňeşliginiň çäginde ýerleşýän limon ýyladyşhanasynda şu günler işler gyzgalaňly alnyp barylýar. Bu ýerde ýetişdirilen limonlary köpçülikleýin ýygnap almak işi dowam edýär.
