1-nji aprelde Russiýa Federasiýasynyň Astrahan oblastyndan badalga alan «Hazar – dostluk deňzi» atly motoýörişe gatnaşyjylar Türkmenistana geldiler. Bu barada «Astrahan 24» saýty habar berýär. Motoýörişe gatnaşyjylaryň ilkinji duralgasy Gazagystanyň Atyrau, ikinji düşelgesi bolsa Mangistau welaýatlary boldy.
Düýn motoýörişe gatnaşyjylar Türkmenistanyň çägine aralaşdylar. Garabogaz şäherçesinde olary Türkmenistanyň Balkan welaýatynyň resmi wekilleri mähirli garşyladylar. Soňra topar «Awaza» milli syýahatçylyk zolagyna tarap ýoluny dowam etdi. Ýörişe gatnaşyjylar şol ýerdäki «Berkarar» myhmanhanasynda dem-dynç aldylar. Soňra motosürüjiler Aşgabada tarap ýola düşdüler.
