Hormatly Prezidentimiziň parasatly baştutanlygynda bu gün ýurdumyz dünýä jemgyýetçiligi tarapyndan parahatçylyk söýüjiligi, hoşniýetliligi, ynsanperwerligi öňe sürýän döwlet hökmünde ykrar edilýär. Milli ýörelgelerimiz bolsa häzirki wagtda dünýä halklarynyň birek-birek bilen düşünişmek arkaly gatnaşyklary ýola goýmagyna oňyn täsirini ýetirýär.

Turuwbaşdan «Açyk gapylar» syýasatyny ýöredýän Garaşsyz ýurdumyz bu gün dünýä halklarynyň dost-doganlyk merkezine öwrüldi. Muňa ýurdumyzyň ähli ýerlerinde, hususan-da, mermer paýtagtymyz Aşgabatda geçirilýän halkara maslahatlar, sergiler, duşuşyklar aýdyň güwä geçýär.