Ertir paýtagtymyzda geçiriljek Ykdysady Hyzmatdaşlyk Guramasynyň XV sammiti hem muny doly tassyklaýar

Bedew batly ösüşleriň mesgeni hasaplanýan Garaşsyz Diýarymyzyň gözel paýtagty Aşgabat parahatçylygy we ösüşi amal edýän tagallalaryň, güýçleriň we maksatlaryň birleşýän ýeri. Çünki parahatçylygyň merkezi hökmünde tanalýan paýtagtymyzda umumadamzat rowaçlygyny gazanmaga gönükdirilen başlangyçlar öňe sürülýän hem-de taryhy çözgütler kabul edilýän möhüm ähmiýetli halkara maslahatlar, forumlar we duşuşyklar yzygiderli geçirilýär. Muňa ertir — 28-nji noýabrda Aşgabatda geçiriljek Ykdysady Hyzmatdaşlyk Guramasyna agza döwletleriň Baştutanlarynyň XV sammiti nobatdaky gezek doly güwä geçýär.