Berkarar döwletimiziň bagtyýarlyk döwründe ulag ulgamynyň ähli görnüşlerini döwrebaplaşdyrmakda, ýurdumyz üçin ykdysady taýdan bähbitli bolan täze gatnaw ugurlaryny ösdürmekde giň gerimli işler amala aşyrylýar. Hormatly Prezidentimiziň baştutanlygynda ulag-logistika ulgamynyň ösdürilmeginiň esasy aýratynlygy ýurdumyzyň we tutuş sebitiň durmuş-ykdysady ösüşi üçin möhüm bolan halkara ähmiýetli taslamalaryň durmuşa geçirilmegi bilen baglydyr.

Watanymyzyň ulag-logistika ulgamynyň mümkinçiliklerini artdyryp, goňşy döwletler bilen söwda ykdysady we medeni-ynsanperwer gatnaşyklary has-da ýygjamlaşdyrmak hormatly Prezidentimiziň amala aşyrýan syýasatynyň möhüm ugurlarydyr. Şu nukdaýnazardan, milli Liderimiziň ulag howpsuzlygyny üpjün etmek hem-de döwrebap we ýokary tehnologiýaly üstaşyr-ulag düzümleri döretmek babatdaky başlangyçlary möhüm ähmiýete eýedir.