BMG-niň dürli düzümleri bilen işjeň gatnaşyklary alyp barýan Garaşsyz, hemişelik Bitarap Türkmenistan 2011-nji ýylda Birleşen Milletler Guramasynyň birnäçe bölümleriniň we beýleki iri halkara guramalarynyň merkezi edaralarynyň ýerleşýän Ženewadaky bölüminde hemişelik wekilhanasyny açdy.
«Türkmenistan — parahatçylygyň we ynanyşmagyň Watany» diýlip yglan edilen ýylymyz möhüm wakalara beslenýär. Ýurdumyzda mukaddes Garaşsyzlygymyzyň şanly 30 ýyllygy we gözel paýtagtymyz Aşgabadyň esaslandyrylmagynyň 140 ýyllygy ýokary derejede bellenip geçildi. Şu günler mähriban halkymyz Garaşsyz döwletimiziň hemişelik Bitaraplygynyň 26 ýyllygyny zähmet üstünlikleri bilen dabaralandyrmak ugrunda joşgunly zähmet çekýär.
