Bu alkyş sözleri oňa her gün birnäçe sapar aýdylýar. Elbetde, dertlerine em tapýan ynsanlar bu sözleri ak ýürekden aýdýarlar. Saglygyna gowuşýan näsaglara mundan uly bagt barmy, eýsem?! Şol sebäpden eli ýeňil lukmanyň alkyş sözlerden her gün ýüki ýetik.

...Işe gümra bolup otyrdym. Otaga orta ýaşly adamyň girip gelenini-de bilmändirin. Saglyk-amanlyk soraşanymyzdan soňra onuň habaryny soradym. Ýöne gözlerinden görnüp duran begenji nazarymdan sypmady.