Gahryman Arkadagymyzyň «Türkmenistanyň dermanlyk ösümlikleri» atly ensiklopedik kitabynyň mysalynda ýurdumyzda adam saglygy hakyndaky aladanyň has belent derejede saklanýandygyny görmek bolýar. Kitapdan hem görnüşi ýaly, türkmen topragy dermanlyk ösümlikleriň mekanydyr. Şolaryň arasynda döwük-ýenjikleri bejermekde giňden ulanylýan, tebigatyň döreden tapylgysyz melheminiň biri hem mumyýadyr.

Mumyýa, köplenç, gaýalaryň ýokarky bölekleriniň köweklerinde, jaýryklarynda bolýar. Onuň düzüminde köp mukdarda organiki we organiki däl maddalar, gippur, benzoý kislotalary, aminokislotalar, smolalar, mumlar, şepbikler we ösümlik galyndylary bolýar.