Welosiped sporty dünýäde sportuň iň giň ýaýran görnüşleriniň biridir. Türkmenistanda hem onuň uzak taryhy bar. Aşgabatda welosipedçileriň ilkinji jemgyýeti 1894-nji ýylda döredildi. Şondan bir ýyl soň welosipedçileriň ilkinji ýaryşy geçirildi. Bu bolsa ýurdumyzda sportuň şu görnüşini ösdürmegiň başyny başlady. Ýöne onuň hakyky ösüşlere beslenen taryhy Berkarar döwletimiziň bagtyýarlyk döwründe başlanyp, şöhratly menzilleri Gahryman Arkadagymyzyň ady bilen berk baglanyşyklydyr.

Welosiped sürmek nerw ulgamynyň işini kadalaşdyrmaga oňaýly täsir edýär.