Garaşsyz, hemişelik Bitarap Türkmenistan döwletimiz Gahryman Arkadagymyzyň parasatly baştutanlygynda «Türkmenistan — parahatçylygyň we ynanyşmagyň Watany» ýylynda ähli ugurlar boýunça üstünlikleriň belent sepgitlerine eýe bolup, mukaddes Garaşsyzlygymyzyň şanly 30 ýyllygyna üstünlikli barýar. Ýakynda bolsa eziz Diýarymyzyň ähli ýerinde ak mermere bürenen paýtagtymyz Aşgabat şäheriniň esaslandyrylmagynyň 140 ýyllygy uly dabaralara beslenip bellenilip geçildi.

Garaşsyzlyk ýyllarynda Türkmenistan, onuň paýtagty Aşgabat düýpgöter özgerdi. Ýurdumyzda adamlaryň ýaşamagy, işlemegi, okamagy, dynç almagy we döretmegi üçin ähli mümkinçilikler döredildi.