Magtymguly etrap häkimliginiň, Türkmenistanyň Magtymguly adyndaky Ýaşlar guramasynyň etrap geňeşiniň we Türkmenistanyň Kärdeşler arkalaşyklarynyň etrap birleşmesiniň bilelikde guramaklarynda wagyz-ündew çäresi geçirildi. Bilim işgärleriniň we mekdep okuwçylarynyň gatnaşmaklarynda geçirilen çärede çykyş edenler sagdyn durmuş ýörelgesi we dost-doganlyk gatnaşyklary dogrusynda gürrüň etdiler. Hormatly Prezidentimiziň taýsyz tagallasy netijesinde ýaş nesliň sagdyn ruhly, berk bedenli bolup ýetişmekleri ugrunda döredilýän mümkinçiliklerden dogry peýdalanmagy ündediler hem-de Gahryman Arkadagymyzyň janynyň sag, ömrüniň uzak bolmagyny arzuw etdiler.