Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde geçirilýän «Ýaňlan, Diýarym! — 2021» telebäsleşiginiň Esenguly etrap tapgyry ruhubelentlige beslendi. Etrap medeniýet merkezinde geçirilen bäsleşige etrabyň oba-şäherçelerinden ýaş höwesjeň aýdymçylaryň dokuzysy gatnaşyp, özleriniň ukyp-başarnyklaryny görkezdiler. Şatlyk-şowhuna beslenen bäsleşikde etrabyň Şahman, Garadegiş, Ajyýap obalarynyň, Ekerem şäherçesiniň medeniýet öýleriniň aýdymçylary Hajymämmet Babaýew, Dörtguly Kerimow, Zaman Garlyýew, Ýunus Aşyrdurdyýew dagy ýeňijiler diýlip yglan edildi hem-de bäsleşigiň welaýat tapgyryna gatnaşmaga hukuk gazandylar.