Häzirki wagtda Türkmenistan sagdynlygyň we ruhubelent-ligiň ýurdy hökmünde ykrar edilýär. Ynsan saglygyny gorap saklamak, ýaş nesilleriň sagdyn we ruhubelent ösmegini üpjün etmek döwlet syýasatynyň esasy ugurlarynyň biridir. Bu ugurda Diýarymyzda maksatnamalaýyn işler durmuşa geçirilip, raýatlaryň saglygyny dikeltmegi we dynç almagy üçin ähli mümkinçilikler döredilýär. Muňa ýurdumyzdaky ähli amatlyklary we mümkinçilikleri özünde jemleýän döwrebap şypahanalar hem aýdyň şaýatlyk edýär.