Sagdynlyk endiklerini berjaý etmek her birimiziň borjumyz bolup, sagdyn ýaşaýşyň esasy şertleriniň biridir. Sagdynlyk endiklerini, arassaçylyk düzgünlerini berjaý etmek bizi birnäçe ýokanç kesellerden hem gorar.
Sagdynlyk endiklerine eýermek üçin ilki bilen kadaly iýmitlenmek we doly ukyny almak zerurdyr. Iýmitimize gök önümleri goşmaly. Her naharyň gapdaly bilen ter gök otlary we miweleri iýmekligi endik etmeli. Gök önümleriň we miweleriň ýokumlara baýdygy sebäpli olar diňe bir işdäaçyjy bolman, bedeniň kesellere garşy göreşijiligini hem artdyrýar.