Hormatly Prezidentimiziň parasatly baştutanlygynda ýurdumyzyň ykdysady ösüşini belent derejelere ýetirmek, raýatlarymyzyň hal-ýagdaýyny has-da gowulandyrmak, adamlaryň saglygyny gorap saklamak wezipeleri döwletimiziň ileri tutýan ugurlarynyň hatarynda durýar.
Ýurdumyzyň çar künjünde hem-de paýtagtymyzda täze innowasion tehnologiýalar ornaşdyrylan saglyk öýleridir merkezleri, çagalar sagaldyş-dynç alyş merkezleri, ýöriteleşdirilen hassahanalar, şypahanalar we beýleki saglygy goraýyş binalary gurlup ulanmaga berildi. Bular halkymyzyň sagdynlygyny üpjün etmäge, Watanymyzy gülläp ösýän, ykdysady taýdan kuwwatly döwlete öwürmäge we mähriban halkymyzyň ýaşaýyş-durmuş derejesini barha ýokarlandyrmaga gönükdirilen işlerdir.