Bedenterbiýe, sport we saglyk ynsan durmuşynda möhüm gymmatlykdyr. Şonuň üçin bedeni taplamak örän wajypdyr. Bedeni taplamak bolsa, kadaly iýmitlenmekden, keselleriň öňüni almagyň çärelerini durmuşa geçirmekden, immuniteti ýokarlandyrmakdan hem-de bedenterbiýe bilen meşgullanmakdan ybaratdyr.

Fiziki işjeňligiň peselmegi adam bedeniniň kem-kemden gowşamagyna, beden agzalarynyň işjeňliginiň we myşsalaryň güýjüniň peselmegine, içki agzalaryň işiniň üýtgemegine getirýär. Hereketiň peselmegi ähli agzalaryň işjeňligini gowşadýar.