Howanyň gyzyp, dürli ir-iýmişleriň bişmegi bilen, arassaçylyk kadalary doly berjaý edilmedik ýagdaýynda, ulularyň we çagalaryň arasynda ýiti içege keselleriniň döremek howpy ýüze çykýar.

Arassaçylyk düzgünleri berjaý edilmedik ýagdaýynda kesel döredijiler gapy tutawaçlarynda, süpürgiçlerde saklanýar we ýaşaýar. Çagalar ýuwulmadyk gök önümleri, miweleri elläp, elini ýuwman iýenlerinde, kesel iýmit üsti bilen ýokuşýar.