Düýn milli Liderimiz Türkmenistanyň Halk Maslahatynyň Diwanynyň açylyş dabarasyna we Türkmenistanyň Milli Geňeşiniň Halk Maslahatynyň birinji mejlisine gatnaşdy

Paýtagtymyzyň Çandybil şaýolunyň ugrunda bina edilen Türkmenistanyň Halk Maslahatynyň Diwanynyň açylyş dabarasy köp adamly boldy. Ir säher bilen bu ýere Mejlisiň Başlygy, milli parlamentiň deputatlary we Halk Maslahatynyň agzalary ýygnandylar. Dabara gatnaşyjylaryň şowhunly el çarpyşmalary astynda döwlet Baştutanymyz toý bagyny kesdi.