Şu günler mähriban Diýarymyzyň ähli ýerlerinde Türkmenistanyň mukaddes Garaşsyzlygynyň 30 ýyllygyny mynasyp garşylamaga giňden taýýarlyk görülýär. Şu mynasybetli paýtagtymyzda we ýurdumyzyň beýleki künjeklerinde giň gerimli dabaralar ýaýbaňlandyryldy. Şolaryň hatarynda täze binalary ulanmaga bermek dabaralary aýratyn orun eýeleýär.

Ine, golaýda hem paýtagtymyzda «Türkmenbaşy» döwlet täjirçilik bankynyň hem-de «Senagat» paýdarlar täjirçilik bankynyň dolandyryş edaralarynyň täze binalarynyň açylyş dabarasy boldy. Şu mynasybetli dabaralara hormatly Prezidentimiz Gurbanguly Berdimuhamedow gatnaşdy.