Raýatlaryň saglygyny ähli zatdan ileri tutýan Gahryman Arkadagymyz dünýä gazananlaryny milli saglygy goraýşa ornaşdyrmak, ulgamyň maddy-enjamlaýyn binýadyny kämilleşdirmek meselesine uly üns berýär. Dürli maksatly saglygy goraýyş desgalary yzygiderli açylyp, ulanylmaga berilýär, lukmançylygyň iň soňky gazananlary ornaşdyrylýar.

8-nji aprelde köpçülikleýin habar beriş serişdelerinde ilata gaýragoýulmasyz tiz lukmançylyk kömegini bermäge niýetlenen lukmançylyk maksatly «ANSAT» kysymly täze dikuçaryň ýurdumyza gelip gowşandygy baradaky habar ählimizde uly buýsanç duýgusyny döretdi. Düýn, 9-njy aprelde bu waka mynasybetli Türkmenistanyň Saglygy goraýyş we derman senagaty ministrliginde hoşallyk maslahaty geçirildi.