Türkmen unaşy sowuklamadan, dümewden tiz ýagdaýda gutulmagyň emidir. Şonuň üçin hem biri «dümewläpdirin» diýse: «Burçluja unaş iç-de birsalym basyrynyp ýat, derrew açylyp gidersiň» diýýärler. Bu diýilýäni ýoňlanyňy duýanyňdan etseň, başga däri-derman gerek däldir.

Unaşyň sowuklama garşy şypa beriji dermandygy barada il içinde şeýle gürrüň hem bar. Gyşyň bir güni ýabyň suwuny kesip, gazy gazylyp, arçalýan eken. şonda oba Lukmanyň ogly türkmen obalarynyň birine barýan eken. Görse, oba barýan ýaby arçap ýören gazyçylar günorta naharyna çykypdyrlar. Özleri-de ýapdan çykaran öl gumlaryny ýassanyp, çaý-nahar edinip otyrmyş. Bu ýagdaýy gören ýigit öýlerine gelip, kakasyna şeýle diýýär: