Golaýda hormatly Prezidentimiz Gurbanguly Berdimuhamedow Ministrler Kabinetiniň sanly ulgam arkaly nobatdaky mejlisini geçirdi. Onda resminamalaryň taýýarlanylan taslamalaryna garaldy hem-de käbir meseleler ara alnyp maslahatlaşyldy.

Milli Liderimiz degişli ýolbaşçylaryň hasabatlaryny diňläp, Milli Geňeşiň Halk Maslahatynyň agzalarynyň golaýda geçirilen mejlisi barada durup geçdi. Hormatly Prezidentimiz Halk Maslahatynyň agzalarynyň saýlawlaryna gatnaşyp, ses beren raýatlarymyzyň ählisine minnetdarlyk bildirdi. Ses berenleriň köpsanly bolmagy biziň jemgyýetimizde oňat netije gazanmak üçin möhümdir.