Berkarar döwletimiziň bagtyýarlyk döwründe halkymyzyň bähbidine gönükdirilen, ýurdumyzyň ähli ugurlaryny gurşap alan özgertmeler bilen birlikde, sagdyn durmuş ýörelgelerini berkarar etmekde, sporty, bedenterbiýäni giňden ýaýbaňlandyrmakda alnyp barylýan işleriň rowaçlanýandygyny buýsanç bilen aýdyp bileris. Sportuň dürli görnüşleri boýunça dünýä derejesindäki ýaryşlary geçirmäge, türgenleşikleri ýokary derejede alyp barmaga mümkinçilik berýän sport desgalary ýurdumyzda geljekde-de bu ugurda uly üstünlikleriň gazanyljakdygyny äşgär görkezýär.

Hormatly Prezidentimiziň başda durmagynda sport desgalarynyň ýurdumyzyň dürli künjeklerinde gurulmagy netijesinde sporta höwesli, Watanymyzyň dünýä ýüzündäki abraýynyň belende göterilmegine goşant goşjak ýaşlaryň kemala gelýändigi buýsançly hakykatdyr. Halkymyzy eşretli durmuşda ýaşadýan, asudalygy, abadançylygy dünýä ýüzünde giňden dabaralandyryp, Watanymyzyň abraýyny belent derejelere göterýän hormatly Prezidentimiziň «Döwlet adam üçindir!» diýen ýörelgesiniň belent maksatly tutumlarda mynasyp beýanyny tapyp gelýändigine, Diýarymyzyň abraý-mertebesiniň belende göterilip, şan-şöhratynyň dünýä ýaýylýandygyna guwanyp hem-de buýsanyp ýaşaýarys. Munuň üçin biziň Gahryman Arkadagymyza bolan alkyşymyz asla egsilmeýär.